മീശ

' മീശ എന്തെങ്കിലും ചെയ്യണോ "

മുടി വെട്ടി നശിപ്പിച്ച ശേഷം
ഡിസ്കോ ദിനേശന്‍ അങ്ങിനെ പറഞ്ഞപ്പോള്‍
ഞാനൊന്നു അമര്‍ന്നിരുന്നു .

ഒരു ബാര്‍ബര്‍ തന്റെ മീശയെ ഗൌരവ മായി കാണാന്‍
തുടങ്ങിയിരിക്കുന്നു ..

"അരികു മാത്രം വെട്ടിയാല്‍ മതി "
അഭിമാന പൂര്‍വ്വം മീശ തടവിക്കൊണ്ട് ഞാന്‍ പറഞ്ഞു .

"സെക്കന്റ്‌ ഷോയ്ക്ക് ആളിരിക്കുന്ന പോലെ ഉള്ള
ഈ മീശയുടെ മേല്‍ എന്ത് ചെയ്യാനാ ?
മുഴുവനും എടുത്തു കളയാം "

ദിനേശന്റെ ഷൌര കത്തി അരിഞ്ഞ് തള്ളിയത്
എന്റെ കൌമാര സ്വപ്‌നങ്ങള്‍ ആയിരുന്നു .

പിന്നെ ഞാന്‍ സ്വയം ഷേവ്‌ ചെയ്യാന്‍ തുടങ്ങി !